Сырбай Мәуленовтің 100 жылдығы

19.10.2022ж. Қазақ даласы қашанда таланттарға әсте кенде болмаған. Өткен ғасырдың елуінші жылдары қазақ әдебиетінің  рухани кемелденуіне   өзіндік қолтаңбасымен келген  үлкен тіректі тұлғаның бірі - Сырбай Мәуленов. Оның қаламынан туған өлең өрнектері өміршеңдігі құнды. Соғыстан кейінгі қазақ әдебиеті бір кездегі рухани биігіне қайта көтерілу жолындағы ізденісті өте тездетті. Осы ізденісті тездетуге майданға барып, өмірдің ащы шындығын көріп келіп ,адамдық болмыстың бүкіл тұңғиық тереңдеріне  өзінің көркемдік нақты тәжірибесі арқылы көз жеткізіп келген ұрпақ көп себепші болды. Осы кезекте қазақ лирикасының классигі Сырбай Мәуленовтің 100 жылдығына арнайы 5,6-сыныптар арасында “Сырбайдың сырлы әлемі” атты мәнерлеп оқу сайысы өтті. Қазақ тілі мен әдебиеті бірлестігінің мұғалімдері ұйымдастыруымен өткен шараның мақсаты: сырбаз сыршылдық пен сымбатты суреткерлік өлең өрнегі мен ақынның соғыс тақырыбындағы толғаныстары мен табиғат бояуларын өзек еткен  жырларының ерекшілігі мен мәнін ашу.