"29 қазан Қамқоршылар күні"

         Қазақстан Республикасының Білім және ғылым министрлігі Балалардың құқықтарын  қорғау комитетінің бастамасымен жыл сайын 29 қазан күні ата-анасының махаббаты мен жылуына зәру болған жетім балалар мен ата-анасының  қамқорлығынсыз  қалған балаларды тәрбиелеуге алған отбасыларына алғыс білдіру,әлеуметтік жетімдікті болдырмауға жұртшылықты тарту мақсатында мерекелік іс-шара ұйымдастырылды. Мерекеге орай 39 гимназия қабырғасында мектепшілік іс-шаралар жоспары құрылып, «29 қазан –Қамқоршылар күні» мерекесіне құттықтау афишасы шығарылып,   мектептің Facebook, Instagram парақшаларында және мектептің «Әлеуметтік педагог бұрышы» стендінде, мектеп сайтында жарияланды. 

       Қазақтың жақсы қасиеттерінің асылы мейірбандық, жомарттық, кең пейілділік, бауырмалдылық. 26 қазан күні сағат 10:00де  мерекеге орай  39 гимназияда   «Мейірімді жүрек» атты мерекелік іс-шара ұйымдастырылды. Мерекеге Боралдай округінің 15,17,23,40,54 орта мектептерінің қамқоршылары мен әлеуметтік педагогтері шақырылды. Мерекелік концертте гимназиямыздың әнші, күйші оөушылары өнер көрсетті.  Мереке соңында қамқоршыларға шағын сыйлықтар таратылды.