28
февраль
2024
Республикалық ғылыми-тәжірибелік конференция
2024 жылдың 28 ақпаны күні Іле ауданы №39 гимназия Қазақстан Республикасы ғылым және жоғары білім министрлігі Қазақстан Республикасының оқу-ағарту министрлігі Абай атындағы Қазақ Ұлттық педагогикалық университеті Педагогика кафедрасымен бірлесе отырып «Жаңашыл мұғалімнің «Lesson study» әдісін ынтымақтастық пен бірлестікте жетілдіру арқылы нәтижеге қол жеткізуі» атты республикалық ғылыми-тәжірибелік конференциясын аудан көлемінде ұйымдастырды.
Конференция мақсаты: білім мен зерттеу жобаларын ұлттық құндылықтарды дәріптеу және мұғалімдердің шығармашылық қабілеттерін анықтау, зерттеушілік және жобалау іс - әрекеттерін дамыту.
Конференцияға Іле ауданының мектеп ұстаздары мен Абай атындағы Қазақ Ұлттық Педагогикалық университетінің профессоры, педагогика ғылымдарының кандидаты, педагогика кафедрасының меңгерушісі- Колумбаева Шолпан Жаксыбаевна;
Абай атындағы Қазақ Ұлттық Педагогикалық университетінің оқытушысы, педагогика ғылымдарының докторы, профессор – Саудабаева Гулмира Сауытжановна;
Іле аудандық білім беруді дамыту оқу-әдістемелік орталығының басшысы - Сарсенбаева Аян Қыдырқожақызы;
Іле аудандық білім беруді дамыту оқу-әдістемелік орталығының әдіскері –Молдагулова Акмарал Курманжановна қонақ болды.
Конференция 3 бөлімді қамтыды.
Бірінші бөлімде, дәстүрімізді ұмытпайық, ұлықтайық деген мақсатпен ата бабамыздан мирас болып келе жатқан қонақ жайлылық көрсетіліп ұлттық құндылықтар дәріптелді.
Екінші бөлімде, заманауи сабақтарды өткізуде ынтымақтастық арқылы «Lesson study» үрдісін дамыту;
- мектептің функционалдық сауаттылығы бойынша жинақталған тәжірибесін тарату;
-сынып жетекшінің тұлғаны қалыптастыру мақсатындағы оқу іс-әрекет тәжірибесі;
-критериалды бағалаудың әдістері мен технологиялары бағыттары бойынша ұстаздар тәжірибелерімен бөлісті.
Үшінші бөлімде «Жаңашыл мұғалімнің «Lesson study» әдісін ынтымақтастық пен бірлестікте жетілдіру арқылы нәтижеге қол жеткізуі» атты жинақ кітапшасының лентасын қию салтанаты өткізіліп, қорытындыланды.