🔹КОМПЬЮТЕРЛІК ОҚЫТУ СИМУЛЯТОРЫ🔹

КОМПЬЮТЕРЛІК ОҚЫТУ СИМУЛЯТОРЫ

27.12.2022ж. Алматы облысы Іле ауданы Боралдай кентіндегі №39 гимназиямызда Алматы облысы өңірлерінің мектеп директорлары мен орынбасарлары NIS Педагогикалық шеберлік орталығы және EdCrunch Academy мәскеулік IT сарапшылары әзірлеген «Заманауи мектепті басқару» компьютерлік симуляторын оқыту тренингі өтті. 

Симуляторды оқу барысында арнайы тренерлер түсіктіме жұмысын жүргізіп, мектеп командалары виртуалды мектепті басқару арқылы сайысқа түсті. Қатысушылар өте белсенді болды. Тренерлер және №39 гимназияның информатик мамандары қатысушыларға қосымша сұрақтары бойынша ақпарат беріп, көмектесе білді. Басқару мүдделі тараптардың сұранысын зерделеуден басталып, мектепті 9 аспекті бойынша стратегиялық дамытуда 1600-ге жуық шешім қабылдай алады. Симулятордағы модельдердің шынайылығы және ұсынылған кейстер мектеп командасына шешімдердің ықпалын көруге және оның тиімділігін бағалауға мүмкіндік берді. Тренинг барысы ойын нәтижесінде өте қызықты әрі пайдалы болды. Шараның жоғары деңгейде өткені қатысушылар кері байланысынан, көңіл күйлерінен білінді. Ұйымдастырушыларға алғыс білдіре отырып, толағай табыстар тілейміз!